Trajneri i Totenhem, Herri Redknap, do të marrë mesfushorin e Mançester Junajtid, Pol Skols në Euro 2012, nëse ai do të bëhet menaxher i kombëtares së Anglisë.

Redknap është i preferuari i të gjithëve për të zëvendësuar Fabio Kapelon, pas dorëheqjes që ky i fundit ofroi javën e kaluar, dhe deklaroi se nëse ai do të ishte menaxher i “Tre Luanëve” ai do të marrë veteranin për turneun në Poloni dhe Ukrainë.

“Le të jemi të ndershëm, çdokush e dëshiron Pol Skols në Euro 2012,” tha ai. “Nëse ai do të jetë në ekipi, është shumë e mirëpritur.”

“Kushdo që është menaxher e dëshiron atë, unë jam i sigurt. Ju do të dëshironit atë për të luajtur. Ai luan si spanjollët, si Ksavi Hernandez ose Andres Iniesta”.

Pavarësisht nga mosha, Redknap gjithashtu deklaroi se Frenk Lampard dhe Stiven Xherard duhet patjetër të jenë në skuadrën e Anglisë, pasi ai beson se përvoja e tyre dhe cilësia është thelbësor për ekipin.

“Duhet të ketë përvojë në skuadër, gjithashtu edhe karakter në qoftë se dëshiron të fitosh diçka,” tha Redknap.

“Frenk është një lojtar me cilësi të lartë. Ai është ende një lojtar i fortë sipas mendimit tim. Stiven Xherard është ende një lojtar i klasit të lartë. Ne kemi disa lojtarë të mirë në mesfushë tonë.”

64-vjeçari gjithashtu beson se Xherard është kandidati më i mundshëm për të marrë shiritin e kapitenit nga Xhon Terri, por ndjen se edhe lojtari i tij tek Totenhem, Skot Parker, mund të udhëheqë vendin e tij.

Ai shtoi: “Unë mendoj se ka disa kandidatë të mirë. Xherard është një kandidat i mirë, ai është një lojtar fantastik. Nuk janë një ose dy që mund ta bëjë këtë, edhe Skoti mund ta bëjë këtë, me siguri, por më së miri mund ta bëjë ‘Steve G’”. (LajmeShqip.com)