|

Luis Hemilton me MekLaren ka marrë një fitore të vyer në luftën për titullin kampion në Formula 1 duke triumfuar në Çmimin e Madh të Italisë në Monza. Por britaniku ka qenë praktikisht i vetmi pilot kryesor që ka respektuar parashikimet, në një garë ku vendin e dytë me mori me meritë Serxho Perez i Sauber dhe problemet mekanike mbyllën para kohe garën e Baton, Vetel e Ueber.
Në fillimin e garës dukej sikur do të ishte një sukses i dyfishtë i MekLaren, me Hemilton e Baton që renditeshin njëri pas tjetrit. Ndonëse në kthesat e para Felipe Masa arriti të merrte vendin e dytë dhe të sulmonte për të parin, ai u parakalua nga Baton pak para ndërrimit të parë të gomave. Por kur kishin mbetur edhe 19 xhiro deri në fundin e garës, Baton u detyrua të parkonte makinën e tij në krah të pistës për shkak të një problemi me furnizimin me karburant.
Kjo ktheu Felipe Masa në vendin e dytë, por me Alonson pas krahëve të tij që fitonte ndjeshëm terren në çdo xhiro. Kryesuesi i kampionatit botëror që u nis i 10-ti kishte fituar dy vende që në nisje, para se të kalonte më pas Kobajashin e Raikonen. Ai më pas arriti të kalonte edhe Mikael Shumaker e Sebastian Vetel, ndërsa dueli me këtë fundit i kushtoi gjermanit një penalitet me kalimin në bokse për shkak të një manovre të parregullt.
Gjithsesi, Vetel u kthye në pistë, por 5 xhiro para fundit, edhe ai u detyrua të largohej nga gara për shkak të një problemi mekanik. Masa i la lehtësisht vendin Alonsos dhe dukej se dy makinat Ferrari do t’i gëzoheshin podiumit. Por në xhirot e fundit, protagonisti kryesor u bë Serxho Perez me Sauber.
Meksikani kishte filluar garën me gomat e forta, në ndryshim nga të gjithë pilotët kryesorë, e për këtë arsye zhvilloi pjesën e dytë të garës me goma të mesme, duke xhiruar 1.5 sekonda më shpejt në xhiro ndaj të gjithë pilotëve të tjerë. Si rrjedhojë, ai arriti të kalonte me lehtësi dy makinat Ferrari, duke marrë vendin e dytë dhe nëse gara do të kishte vazhduar për pak xhiro më shumë, do t’i kishte marrë vendin edhe Hemilton që fitoi këtë garë.
Në vendin e tretë dhe të katërt përfunduan dy makinat Ferrari, me Alonson që mori vendin e tretë dhe thelloi diferencën në kreun e renditjes së kampionatit, ku tashmë ndiqet nga Hemilton, Raikonen dhe Vetel.
Pikërisht Lotus i Raikonen ishte i pesti, duke lënë pas krahëve dyshen e Mercedes, Shumaker e Rosberg. Pol Di Resta me Force India, Kamui Kobajashi me Sauberin tjetër dhe Bruno Sena me Uilliams mbyllën zonën e pikëve. (LajmeShqip.com)
Renditja e botërorit për pilotë në Formula 1
179 Fernando Alonso (Ferrari)
142 Luis Hemilton (MekLaren-Mercedes)
141 Kimi Raikonen (Lotus-Reno)
140 Sebastian Vetel (Red Bull-Reno)
132 Mark Ueber (Red Bull-Reno)
101 Xhenson Baton (MekLaren-Mercedes)
83 Niko Rosberg (Mercedes)
76 Sebastian Groszhan (Lotus-Reno)
65 Serxho Perez (Sauber-Ferrari)
47 Felipe Masa (Ferrari)
43 Mikael Shumaker (Mercedes)
Trajnerët e së ardhmes kërkojnë licenca gjermane në Obiliq

Kandidatët e përzgjedhur nga Federata e Futbollit e Kosovës (FFK) për të ndjekur trajnimin për Licencën “B” të UEFA-s, ishin të obliguar
lexo më shumë »Gerrard rikthehet në Premierligë?

Steven Gerrard mund të rikthehet në Liverpool, në formë të huazimit të përkohshëm nga LA Galaxy. Steven Gerrard ka zhvilluar negociata me
lexo më shumë »Perez Ronaldos: Unë dhe t’i kemi punë (Video)

Florentino Perez, presidenti i Real Madridit, ka kërkuar nga Cristiano Ronaldos që të bisedojnë rreth të ardhmes. Cristiano Ronaldon ka marrë një
lexo më shumë »Rooney: Vështirë kundër ekipeve që mbrohen

Manchester Unitedi sot arriti që të fitoj në Old Trafford kundër CSKA Moskës me golin e vetëm të shënuar nga Wayne Rooney.
lexo më shumë »Icardi në Premierligë?

Ylli i Interit, Mauro Icardi mund të transferohet në Premierligë. Mauro Icardi mund të largohet nga Interi pasi deri më tani, këtë
lexo më shumë »Benitez ka një porosi për tifozët e Realit

Rafa Benitez beson se Real Madridi do të përmirësohet pas rikthimit të lojtarëve të lënduar si Gareth Bale e Karim Benzema. Real
lexo më shumë »