Lajme Shqip Sunday, 08 May 2011 13:26

Tiranë – Kryetari i Komisionit Qendror të Zgjedhjeve (KQZ), Arben Ristani, deklaroi se pjesëmarrja ne votime deri ne oren 14.00 në shkallë vendi është 22 %.

Z. Ristani bëri të ditur se deri në këto momente vlerësimi për mbarëvajtjen e procesit të zgjedhjeve është pozitiv në përgjithësi.

“Përqindja më e lartë e pjesëmarrjes në votime llogaritet në Bashkinë e Çorovodës me 32 %, ndërsa pjesëmarrja në Bashkinë e Tiranës deri tani është 20 %”, deklaroi Ristani.

I pyetur nga mediat mbi pretendimet e ngritura nga strukturat e Partisë Socialiste mbi bojën matrikulluese, Ristani theksoi se “ky është një pretendim i ngritur edhe në zgjedhjet e tjera në të njëjtën formë dhe mënyrë, pavarësisht konkurentëve në garë”.

Ai informoi se boja matrikulluese është prodhuar nga një shoqëri gjermane, e cila ka prodhuar bojën edhe për zgjedhjet e tjera të zhvilluara deri tani. “Laboratorët përgjegjës që e kanë testuar kanë dhënë si konkluzion se boja matrikulluese është e mirë”, theksoi kreu i KQZ-së, Ristani.

 

Më poshte vijon përqindja e votuesve sipas qarqeve:

 

Berat            23.21 %

Dibër            23.73 %

Durrës          15.55 %

Elbasan         25.29 %

Fier               13.79 %

Gjirokastër    25.34 %

Korçe           23.68 %

Kukës          23.39

Lezhë           23.68 %

Shkodër       23.07 %

Tiranë          17. 57 %

Vlorë           16.34 %