Lajme Shqip Monday, 25 April 2011 16:55

Tiranë – Kryeministri Berisha akuzoi Edi Ramën se fushata e tij nën slloganin Rruga e Vetme, është në vazhdën e politikës bllokuese ndaj sukeseve të shqiptarëve, duke pasur si objektiv kryesor marrjen me cdo kusht të karriges së kryeministrit.

“Jo vetëm që rruga e vetme është një sllogan i marrë nga etërit e tyre, por natyrisht nuk e ka domethënien që kishte në kohën e partisë, ka një domethënie të re, të votojë çdo gjë kundër interesit tuaj, kundër rritjes së rrogave, pensioneve, kundër Rrugës së Kombit, të bëjnë gjihcka për antarësimin në NATO, bllokimin e vizave, të hedhë valle në Shqipëri për futjen e krizës në kuti. Kundër amnistisë për bizneset kundër faljes së detyrime”.

Berisha i bëri këto deklarata ndërsa prezantoi kandidatët për rrethin e Pukës, ku premtoi 6- fishimin e investimeve në katër vitet që vijnë, ndërsa ftoi qytetarët të votojnë për kryetarë të bashkisë së Pukës dhe të asaj të Fusharrëzit Beqir Arifajn dhe Alfred Qafën.