Lajme Shqip Wednesday, 21 March 2012 14:50

Londër – Qëndrimi ulur, që është “aktivitet” i përditshëm i shumë njerëzve, së paku nga tetë orë në ditë, sipas disa të dhënave të reja, është gjëja më e keqe që mund t’i bëni trupit tuaj.

Një studim 13-vjeçar, i realizuar tek 17.000 pjesëmarrës, meshkuj dhe femra, ka treguar se qëndrimi ulur për tetë orë në ditë e rrit 54 përqind rrezikun për vdekshmëri të hershme nga infarkti i zemrës.

Një fakt interesant është se edhe nëse nuk pini duhan dhe ushtroni rregullisht, megjithatë kjo nuk ndihmon në zvogëlimin e prirjes për sëmundje të zemrës nëse qëndroni një kohë të gjatë ulur. Prandaj, ekspertët rekomandojnë ngritje nga karrigia dhe lëvizje kohë pas kohe, si dhe aplikimin e ushtrimeve në vendin e punës.

Veç dëmeve në zemër dhe enë të gjakut, qëndrimi ulur për një kohë të gjatë shkakton edhe deformime të shtyllës kurrizore për shkak të qëndrimit jo të rregullt.