Lajme Shqip Sunday, 08 April 2012 08:00

Vetëm një pije alkoolike në ditë mund të rrisë rrezikun e kancerit të gjirit, thuhet në një studimi të ri të publikuar në tabloidin ‘The Sun’.

Ekspertët kanë zbuluar se pijet e moderuara dhe konsumimi i pakët i tyre përbëjnë rrezik 5% më të madh për shfaqjen e sëmundjes.

Pirja e tre ose më shumë gotave në ditë mund të rrisë rrezikun që ju të prekeni me kancer në më shumë se 40% të rasteve.

Hulumtuesit thane se gratë nuk duhet të konsumojnë më shumë se një pije alkoolike në ditë, dhe ato me historik familjar të prekjes nga kanceri duhet ta shmangin plotësisht.

Catherine Priestley, infermiere klinike në ‘Breast Cancer Care’ tha: “Ky studim tregoi se edhe konsumimi më i vogël i alkoolit mund të rrisë rrezikun. Në mendojmë se mund të rriten nivelet e estrogjenit në trup dhe kjo mund të rrisë gjasat e kancerit të gjirit”.

Mjekët thanë se kjo sëmundje s’është aq evidente sa kanceri i mushkërive nga pirja e duhanit, por se mund të këshillojnë njerëzit që të lexojnë informacionet dhe të bëjnë zgjedhjen e duhur.