Lajme Shqip Friday, 11 November 2011 15:50

Një investigues privat ishte punësuar për të përgjuar një duzinë politikanësh dhe VIP-ash, duke përfshirë Princin William, Angelina Jolie, prindërit e Daniel Radcliffe.

Një polic i dalë në pension, Derek Webb, është punësuar nga bosi i medias “News of The World” Rupert Murdoch, për të ndjekur Princin Williams në vitin 2006.

“E ndiqja kudo dhe mbaja shënim gjithçka, çfarë kishte veshur, madje edhe ngjyrat e rrobave, makinën ku hipte dhe vendet ku shkonte! E mbi të gjitha, më me rëndësi ishte të mbaja shënim orën e çdo lëvizjeje të tij,” ka thënë Webb në dëshminë e tij.

Sipas dëshmive të Webb, William dhe stafi i tij i sigurisë nuk ishin fare në dijeni që po përgjoheshin, po ashtu edhe vëllai i tij Princ Harry me ish të dashurën Chelsy Davy.

Webb pati punuar për këtë media për 7 vjet derisa në korrik të këtij viti shpërtheu skandali i përgjimeve të celularëve dhe postës elektronike.

Media “News of The World” operoi për 168 vjet duke patur një ndërprerje të menjëhershme të aktivitetit që mbas zbulimit të skandalit. (LajmeShqip.com)