Lajme Shqip Wednesday, 08 February 2012 09:55

Kim Kardashian dhe Nicole Kidman janë shumë ndryshe. Njëra është aktore shumë e famshme, tjetra një yll i emisioneve reale; njëra është zeshkane, tjetra është kokë kuqe; njëra elegante dhe e hollë, tjetra e mbushur dhe me forma të hatashme.

Edhe pse që të dyja kanë veshur të njëjtin fustan ngjyrë flakë të kuqe nga L’Wren Scott, asnjëra nuk e reflekton njësoj.

Nicole e ka veshur e para këtë fustan me një prerje të mrekullueshme në Indipendent Spirit Awards 2011, duke e kombinuar me një palë këpucë nga Charlotte Olympia. Bukuroshja australiane e ka plotësuar look-un e saj me vathë diamanti, një orë ari, me një makijazh natyral dhe me flokët e lëshuara butësisht mbi shpatullat e saj.

Ndërsa Kim ka zgjedhur të veshë këtë fustan duke theksuar më shumë format e saj të mahnitshme gjatë një episodi të emisionit të famshëm “Live! With Kelly”. Për të krijuar përshtypjen se këmbët e saja janë më të gjata e më të holla ka zgjedhur të veshë këpucët nudo nga Christian Louboutin. Një makijazh të stilit të saj dhe flokët e lëshuara.

Tani ju duhet të krijoni idenë se kush nga të dyja këto diva me famë botërore duket më këndshëm dhe seksi në të njëjtën kohë? (LajmeShqip.com)