Lajme Shqip Monday, 30 April 2012 15:29

Pas lajmit zyrtar se një ndër çiftet më të famshëm të Hollivudit do të lidhnin kurorë këtë verë, publikohet edhe data e ceremonisë e cila deri më tani ishte mbajtur e fshehtë. Çifti Angelina Jolie dhe Brad Pitt do të lidhin me martesë më 11 Gusht bashkëjetesën disa vjeçare.

Kjo datë mësohet se nuk është zgjedhur rastësisht. Prindërit e aktorit janë martuar pikërisht më 11 Gusht dekada më parë dhe celebrojnë përvjetorin e tyre ndaj edhe Pitt ka zgjedhur të lidhë kurorë në këtë ditë.

Në fillim u fol për një ceremoni tepër intime, vetëm me miq të ngushtë dhe familjarë, por duke qenë se çifti ka mjaft miq, mësohet se në ceremoninë e martesës së tyre do të jenë të pranishëm mëse 300 të ftuar.

Një kishë e shekullit të 12-të është zgjedhur për të celebruar martesën e çiftit dhe në fshatin e vogël në Jug të Francës kanë nisur përgatitjet prej kohësh. Emrat e parë të personave të famshëm që do të jenë të pranishëm në dasmë dhe që janë bërë publikë janë George Clooney, Matt Damon, Johnny Depp dhe Tom Cruise.