Lajme Shqip Monday, 17 August 2015 12:24

Edhe pse prej dy vjetësh është në detyrën e kryeministrit, Edi Rama nuk heq dot dorë nga arti. Një galeri e njohur gjermane ka njoftuar se nga 11 shtatori deri në 10 tetor, vizatimet e Ramës do të ekspozohen për t’u parë nga publiku gjerman.

Bëhet fjalë për galerinë Kampl në Munih. Në faqen “online” të saj janë publikuar 78 krijimet e Ramës të përzgjedhura për t’u ekspozuar.

Shumica e vizatimeve janë krijuar mbi fletët e axhendës së tij të përditshme apo ftesave të ardhura për pjesëmarrje në aktivitete të ndryshme, gjatë viteve 2003-2013, raporton top channel.

Por punimi i parë i Ramës që do të ekspozohet është ai mbi një kërkesë për t’u takuar në kohën kur ishte kryebashkiak i Tiranës nga ministri i Shëndetësisë së kohës, Nard Ndoka.