Lajme Shqip Saturday, 20 August 2011 09:55

Kukës –  Dy vatrat e zjarrit në  masivet pyjore të rrethit të Kukësit  që nga mbrëmja e kaluar kanë dalë jashtë kontrollit.

“Që nga mbrëmja e kaluar të dy vatrat e zjarrit janë  jashtë kontrollit, ndërsa sot janë nisur në drejtim të tyre  30 forca”, thotë  përgjegjësi i zyrës së emertgjencës civile në prefekturën e  Kukësit, Azem Tema.

Dalja jashtë kontrollit e dy vatrave të zjarrit ka shtuar shqetësimin e  përhapjes së tyre në një sipërfaqe të gjërë pyjore. Veçanërisht më masivin pyjor të  pishës në  Qafën e Zbinecit të malit të Koretnikut, ku zjarri është në lartësinë e mbi 1800 metrave mbi nivelin e detit, kontrolli i tij është mjaft i vështirë. Kjo ka bërë që nga specialistët të kërkohet ndihma  nga ajri.  Po ashtu, me mjaft vështirësi  rezulton edhe ndërhyrja në Qafën e Kombit, ku gjithsesi po punohet nga forcat e ushtrisë e komuniteti për rivënien nën kontroll të flakëve të zjarrit.

Si rrjedhojë e flakëve të zjarrit deri tani  është  shkrumbuar  një  sipërfaqe prej  më shumë se 5 ha  pyje. “Keto dy vatra zjarri janë të vetmet e shfaqura në masivet pyjore të qarkut të Kukësit.

Ndërsa, një  zjarr që përfshiu një masiv pylli në afërsi të Kam Tropojës, shpejt u vu nën kontroll dhe u shua duke dëmtuar vetëm një sipërfaqe të vogël”, thotë Tema.