Lajme Shqip Monday, 05 December 2011 19:00

Tropojë – Sot në lagjen “Dardania” të qytetit të Bajram Currit dy persona ende të paidentifikuar nga policia kanë tentuar të plaçkisin një banesë,  ndërsa janë përplasur  me djalin e shtëpisë 16 vjecar  duke e plagosur me mjete prerëse.

Zëdhënësja e drejtorisë së policisë së qarkut të Kukësit, Suada Sulaj, tha se, “dy persona  ende të paidentifikuar kanë hyrë në  banesën  e shtetasit  Gëzim Gjocaj  dhe në  tentativë   për të marrë  një shumë lekësh,  janë përplasur me djalin e shtëpisë, 16 vjecarin  Xh.Gj, duke e plagosur me mjete prerëse”.

Menjëherë në  vendngjarje kanë shkuar  forcat  e  policisë që i kanë dhënë ndihmën e parë të plagosurit e më pas e kanë  dërguar në  spitalin  e  qytetit  ku është jashtë  rrezikut  për  jetën.

Ndërkohë, grupi hetimor nga kqyrja  e vendit  të  ngjarjes beri te ditur se në një nga mjediset e shtëpisë  kishin  qenë 220  paund  dhe 20.000  lekë. Grabitësit kane arritur të marrin  110  paund  dhe  5000 lekë, ndërsa pjesa tjetër është lënë  sipër rrobave. Për këtë ngjarje po kryhen hetime intensive me synim gjetjen e autorëve, ndërsa në mjediset e policisë janë shoqëruar  10 persona.