Lajme Shqip Thursday, 21 April 2011 15:07

Tiranë – Presidenti i Republikës së Shqipërisë, Bamir Topi, dekretoi sot shkarkimin nga detyra të Ministrit të Drejtësisë, Bujar Nishani, dhe emërimin e tij në postin e Ministrit të Brendshëm.
Sipas zyrës së shtypit pranë presidencës, me dekrete të veçanta, Kreu i Shtetit shkarkoi Nishanin nga detyra e Ministrit të Drejtësisë dhe e emëroi atë në postin e Ministrit të Brendshëm.
Ky vendim i Presidentit vjen pas propozimit të djeshëm të Kryeministrit Sali Berisha dhe në mbështetje të nenit 93 dhe 98, pika 1 e Kushtetutës së Shqipërisë.