Lajme Shqip Thursday, 12 May 2011 11:12

Tiranë – Burime jozyrtare kanë bërë me dije se kryeministri shqiptar, Sali Berisha, ka pësuar një atak kardiak dhe është nisur menjëherë në Turqi gjatë mesditës së të mërkurës, me linjën Tiranë-Stamboll.

Fakti që e bëjnë më të besueshme këtë ngjarje është edhe shtyrja e mbledhjes së qeverisë, e parashikuar të zhvillohej në orën 11:00 të së mërkurës, e cila ëshët shtyrë, ndërsa nuk janë bërë zyrtare shkaqet e këtij vendimi që është marrë në momentet e fundit.

Deri më tani nuk të dhëna për gjendjen shëndetësore të kryeministrit të Shqipërisë, ndërsa lajmi është mbajtur tejet konfidencial nga stafi i kryeministrit.

Shefi i qeverisë shqiptare ka zhvilluar një tur tejet aktiv në kuadër të zgjedhjeve lokale dhe mendohet se aktiviteti i tepërt fizik mund të jetë një nga shkaqet e problemit shëndetësor për Berishën 61-vjeçar.