Lajme Shqip Friday, 15 April 2011 13:21

Prishtinë – Komisioni Qendror i Zgjedhjeve, Institituti Demokratik dhe përfaqësues të partive politike, kanë dhënë vërejtjet e tyre për zgjedhjet e fundit në Kosovë, duke mos lënë anash edhe sukseset e mënyrës së organizimit, ku edhe u paraqit nevoja për ndryshimin e sistemit zgjedhor në Kosovë.

Arsim Bajrami nga PDK, Ismet Beqiri nga LDK dhe Ardian Gjini nga AAK, folën për zgjedhjet e fundit dhe gjërat të cilat duhet të ndryshohen në të ardhmen.

Ndërkohë, kryetarja e KQZ-së Valdete Daka, zgjedhjet e fundit i ka cilësuar si të suksesshme, përkundër disa ngecjeve që kanë ndodhur.

Daka shpjegoi mënyrën se si ka qenë deri tash, duke vënë në pah gjërat që duhet të ndryshohen.

Edhe përfaqësuesit e KDI-së, folën për ecurinë në zgjedhjet e fundit dhe punën që ka kryer ky institut.

Debatuesit u pajtuan që ndryshimet të cilat janë paraparë të ndodhin në legjislaturë lidhur me zgjedhjet, duhet të fokusohen në detaje, qofshin ato teknike por edhe të natyrave të tjera.