Lajme Shqip Saturday, 08 August 2015 23:00

Një protestë në mbështetje të liderit serb të veriut, Oliver Ivanoviq, do të organizohet të hënën në mesditë para ndërtesës së EULEX-it në Prishtinë.

Siç ka bërë të ditur KIM Radio, protestën kundër zgjatjes e paraburgimit Ivanoviqit do ta organizojnë qytetarët, “intelektualët, gazetarët, shkrimtarët, si dhe familjarët e tij”.

Gjykata Themelore në Mitrovicë ia ka zgjatur paraburgimin Oliver Ivanoviqit deri në tetor. Për shkak të pakënaqësisë në lidhje me vendimin e Gjykatës, Ivanoviq ka filluar një grevë urie në paraburgim.

Ai akuzohet për krime lufte ndaj civilëve shqiptarë gjatë kohës së luftës në vitin 1999, si dhe pas luftës në vitin 2000.