Lajme Shqip Tuesday, 22 September 2015 11:54

Anëtari i Kryesisë së Partisë Demokratike të Kosovës (PdK), Zenun Pajaziti, i ka bërë thirrje opozitës t’i kthehet debatit në Kuvend dhe të largohet nga veprimet që mund të çojnë në dhunë.

Ai ka thënë për ‘Epokën e re’ se tri subjektet opozitare me veprimet e tyre të fundit po e ashpërsojnë disponimin qytetar.

Sipas Pajazitit, edhe Qeveria e Kosovës duhet të jetë më aktive për informimin e qytetarëve me përmbajtjen e marrëveshjeve të arritura me Serbinë dhe marrëveshjes për demarkacionin me Malin e Zi.

Ai ka thënë se nxjerrja e qytetarëve në rrugë nuk është e dobishme për vendin. Kurse sa i përket kërkesës së opozitës për zgjedhje të reja, Pajaziti ka thënë se koalicioni është stabil, që tregon se nuk ka arsye për një kërkesë të tillë.