Lajme Shqip Saturday, 17 March 2012 10:00

Tiranë-Ka nisur dje në gjykatën e Tiranës procesi gjyqësor mes fëmijëve të kryeministrit Berisha dhe deputetit socialist Saimir Tahiri, ku ky i fundit akuzohet për shpifje. Në procesin e sotëm gjyqësor, trupi gjykues ka dëgjuar pretendimet e dy palëve.

Dy fëmijët e kryeministrit Berisha, Argita Malltezi dhe Shkelzen Berisha kërkojnë 8 miljon lekë dëmshpërblim për shkak të deklaratave të Tahiri ka bërë në drejtim të tyre.

Të përfaqësuar nga avokati mbrojtës, Argita dhe Shkëlzeni kanë kërkuar dëmshpërblim nga deputeti socialist me pretendimin e një dëmi moral që ka shkaktuar ndaj tyre deklarata e Tahirit, për të cilën ata thonë se është e pavërtet dhe e pabazuar në prova.

Aktpadija bazohet në një deklaratë e deputetit Tahiri në media, me datë 7 tetor 2011, ku ai deklaroi se “Sali Berisha është i korruptuar, i biri dhe e bija janë të përfshirë në korrupson”.

Vetë deputeti Tahiri deklaroi në përfundim të seancës së sotme gjyqësore se i qëndron deri në fund deklaratës së bërë ndërsa ka kërkuar të merren si dëshmitarë në process, ish shefi i shtabit të përgjithshëm Luan Hoxha, Mihal Delijorgji dhe biznesmeni Damir Fazlliç.

Ndërkohë në një prononcim për mediat, deputeti socialist Eduard Shalsi i cili ndoqi nga afër zhvillimet e procesit kërkoi nga Argita dhe Shkëlzen Berisha të tërheqin padinë në ngarkim të deputetit Sajmir Tahiri. Shalsi theksoi se nëse ka një person që ka abuzuar me shpifje, është vete kryeministri i vendit Sali Berisha. (LajmeShqip.com)