Lajme Shqip Wednesday, 05 June 2013 09:51

Prishtinë – Lëvizja Islame për Bashkim (LISBA), i ka dalë në mbrojtje hoxhës Irfan Salihu, pas reagimeve të shumëta që ka ngjallur një ligjeratë e tij e postuar në rrjetin YouTube.

LISBA konsideron se ligjerata në fjalë, nuk ka qenë e drejtuar ndaj personave të caktuar, andaj sipas saj, “vetëm ata që e kanë gjetur vetën në të kanë bërë reagim të menjëherëshëm”.

“LISBA denoncon hipokrizinë e atyre që sulmuan hoxhën madje duke kërkuar llogari nga BIKU në emër të të drejtave të gruas, kur dihen shkeljet që u bëhen këtyre të drejtave nga ana e pushtetit.

Ajo në të cilën ka thirrur hoxha Irfan Salihu  është morali i femrës të cilin e kultivoj me përkushtim dhe e ruajti me sakrificë populli i shqiptar me shekuj”, thuhet në reagimin e LISBA-s.

Kjo Lëvizje konsideron se “hoxhallarët mbesin thirrësit më të moralshëm në vendin tonë dhe mbrojtësin e vlerave të mirëfillëta”.

“LISBA mbështetë fuqishëm  hoxhën Irfan Salihu dhe çdo hoxhë tjetër i cili sulmohet vetëm pse thotë të vërtetën dhe thërret në të dhe ua bën të qartë misionarëve për shkatërrimin e moralit të rinisë sonë se pavarësisht përpjekjeve tuaja nuk do të arrini ta zhvishni nga morali dhe ta dërgoni në degjenerim popullin Kosovës”, thuhet në reagimin e LISBA-s.