Lajme Shqip Friday, 04 January 2013 14:33

Prishtinë – Deputetja gjermane e Parlamentit Evropian, Doris Pack në një intervistë për Radio Dukagjinin ka deklaruar se institucionet e Kosovës dhe udhëheqësit e tyre janë funksionalë dhe po e kryejnë punën e tyre mirë.

Sipas saj, “vullneti” i AAK-së që të marrë poste qeveritare është i palogjikshëm duke e pasur për bazë përqindjen e votave të tyre.

Eurodeputetja thotë se ky subjekt politik duhet të jetë më i durueshëm.

Duke folur për ambiciet e Haradinajt që të udhëheq me Qeverinë, ajo ka theksuar se i pari i AAK-së duhet të jetë më modest.

“Rasti i Haradinajt ka shkaktuar mjaft telashe por ka marrë fund një herë e mirë. Mendoj se ai duhet të jetë më i durueshëm. Ai nuk duhet të besojë se është kosovari më i madh dhe më i mirë për të qenë kryeministër menjëherë pas daljes nga burgu. Është shumë më mirë që ai të jetë më modest. Kjo është ajo për çka kemi nevojë”, ka thënë Pack.(LajmeShqip.com)