Lajme Shqip Tuesday, 31 January 2012 16:04

Prishtinë- Lista e votuesve  kosovarë brenda pak muajve  është shkarkuar nga mbi  30 mijë persona  të vdekur dhe votues që  nuk kanë shtetësi kosovare e  që përbënin potencial për abuzim me vota.

Kjo punë po bëhet nga  një ekip i Komisionit Qendror të Zgjedhjeve dhe Ministrisë së Punëve të Brendshme i cili ka paraqitur të dhënat e deritashme të  punës me pastrimin  listës së votuesve.

Florian Dushi  anëtar i Komisionit Qendror të Zgjedhjeve dhe kryesues i këtij ekipi ka thënë se  strategjia e përmirësimit të listës së votuesve ka pasur një progres linear.

Alban Krasniqi, gjithashtu anëtari KQZ-së, ka thënë se  armiku më i madh i listës së votuesve mbetet fakti i gjysmë milionë personave që posedojnë ende letërnjoftime të UNMIK-ut.

Deri më tani nga lista e votuesve janë hequr 15 mijë persona të  vdekur dhe 6 214 raste janë në proces. Gjithashtu janë  hequr mbi 10 mijë persona që kanë humbur shtetësinë dhe 60 mijë të tjerë  që kanë pasur kode të gabuara në vendbanimet e tyre.