Lajme Shqip Wednesday, 25 April 2012 11:09

Prishtinë -Zyra Civile Ndërkombëtare  do të publikoj një raport rreth situatës në veri.

Mbikëqyrësi i  Pavarësisë së Kosovës,  Zyra Civile Ndërkombëtare nuk po pajtohet me faktin se, implementimi i Pakos së  Ahtisarit në veri ka dështuar plotësisht.

 Në  muajt e fundit të përmbylljes së misionit të saj në Kosovë ICO konsideron se shumica e obligimeve të dala nga Pakoja e Ahtisarit janë kryer me sukses.

Këtë gjë pretendon ta argumentoj edhe një raport i saj që do të publikohet nesër, i cili  tregon disponimin e banorëve serbë të veriut të Kosovës ndaj Planit Gjithëpërfshirës.

Ndërkohë mësohet se raporti ka nxjerr se pavarësisht refuzimit të politikanëve dhe liderëve  serbëve për të pranuar autoritetin e  Prishtinës,  përmbajtja e Pakos së Ahtisrarit është e pranueshme për shumë serbë në veri.

Grupi Ndërkombëtar Drejtues  për Kosovën në mbledhjen e fundit  ka shprehur  gatishmërinë që deri në fund të këtij viti, të përmbyllet mbikëqyrja e pavarësisë së Kosovës. (LajmeShqip.com)