Lajme Shqip Thursday, 27 September 2012 19:07

Prishtinë – Presidentja e Republikës së Kosovës, Atifete Jahjaga, gjatë qendrimit në New York, u takua me ambasadoren e SHBA-së për Çështjet Globale dhe të Gruas, Melanne Verveer, me të cilën diskutoi për mbarëvajtjen e organizimit të Konferencës Ndërkombëtare të Gruas në Prishtinë “Partneriteti për ndryshim: Fuqizimi i Gruas”, që do të mbahet në fillim të muajit tetor.

Si mikpritëse dhe organizatore e Konferencës, e mbështetur edhe nga ndihma e gjithanshme financiare e organizative e USAID dhe të NDI, Jahjaga e vlerësoi mbajtjen e këtij aktiviteti për mundësitë që do të ofrojë për trajtimin e temave që kanë të bëjnë me fuqizimin e rolit të gruas në shoqëritë në tranzicion, veçanërisht në rajonin e Ballkanit. Ajo tha se Kosova ka shembuj të mirë në avancimin e pozitës së gruas.

Ndërsa Ambasadorja Verveer vlerësoi rolin e Presidentes Jahjaga dhe angazhimin e saj për të drejtat e gruas në Kosovë dhe në botë.(LajmeShqip.com)