Lajme Shqip Friday, 14 August 2015 15:40

Lideri i AAK-së, Ramush Haradinaj, ka filluar të kërkojë mbajtjen e shpejtë të zgjedhjeve nacionale. Haradinaj, duket se i ka harruar debaklin që ka pësuar në zgjedhjet e fundit nacionale dhe ato komunale.

Lideri i AAK-së, Ramush Haradinaj ka thënë se për të shpëtuar nga qeverisja e keqe e Isa Mustafës janë zgjedhjet e reja, të cilat, sipas tij, duhet të mbahen këtë vit, në gjysmën e muajit tetor.

Ai nuk e ka përjashtuar mundësinë që në këto zgjedhje AAK-ja, Vetëvendosje dhe Nisna të shkojnë me një listë të përbashkët.

Haradinaj për ‘Epokën e re’ tha se kjo ide, është duke u diskutuar ndërmjet tre liderëve opozitarë.

Kreu i AAK-së ka thënë se Gjykata Speciale ka qenë eksperiment i panevojshëm për Kosovën.

Kjo gjykatë, sipas tij, mund t’i ketë shkuar për shtati vetëm kryeministrit Isa Mustafa, transmeton Express.

Duke folur për dialogun që po zhvillohet në Bruksel ndërmjet Kosovës dhe Serbisë, Haradinaj ka thënë se Kosova është duke humbur kohë në këtë proces.