Lajme Shqip Friday, 26 August 2011 15:34

Hagë – Ish-pjesëtari i UÇK-së, Shefqet Kabashi, ka pranuar para Tribunalit të Hagës se është fajtor për shpërfillje të gjykatës, që e ka bërë me refuzimin për të dëshmuar në gjykimin e parë të Ramush Haradinajt.

“Unë jam fajtor”, ka thënë Kabashi, pasi gjykatësi Alfons Ori i ka lexuar dy pika të aktakuzës, që e nagrkojnë atë për “refuzim të qëllimshëm për t’iu përgjigjur pyetjeve të prokurorëve”.

Sipas rregullave të Tribunalit, Shefqet Kabashi mund të dënohet me 100 mijë euro ose me burgim deri në shtatë vjet.

Rigjykimi i ish-kryeministrit Ramush Haradinaj dhe dy të akuzuarve të tjerë, Idriz Balaj dhe Lahi Brahimaj, ka nisur më 18 gusht. Kabashi edhe në këtë proces nuk ka pranuar t’iu përgjigjet pyetjeve të prokurorit dhe të mbrojtjes.