Lajme Shqip Friday, 08 April 2011 08:26

Gjirokastër: – 350 policë të Drejtorisë së Policisë në Gjirokastër i janë nënshtruar trajnimit për zgjedhjet lokale të 8 majit në këtë qark.

Sipas burimeve zyrtare nga Drejtoria e Policisë, mësohet se të gjithë punonjësit policorë gjatë trajnimit kanë marrë udhëzimet e nevojshme për të garantuar zhvillimin normal të zgjedhjeve dhe për të respektuar me rigorozitet ligjin. Për policët e trajnuar është shpërndarë edhe një libër xhepi i përgatitur nga Komisioni Qendror i Zgjedhjeve, ku jepen udhëzime mbi pozicionin e uniformave blu gjatë procesit zgjedhor.

“Policia nuk do të jetë palë në zgjedhje dhe do të gaantojë rendin dhe qetësinë si gjatë fushatës

elektorale, ashtu edhe në numërimin e votave” , tha zëdhënësi Gentian Mullai.

Në zgjedhjet e fundit në këtë qark polica e Gjirokastrës është vlerësuar nga institucionet ndërkombëtare për qëndrimin korrekt dhe me profesionalizëm.