Lajme Shqip Wednesday, 27 November 2013 17:48

Ish-gardisti i përfshirë në ngjarjet e 21 janarit, Fatos Skeja, njëherësh edhe ish-truprojë e djalit të Berishës, ka paditur Gardën e Republikës dhe Ministrinë e Brendshme në Gjykatën e Tiranës për lirimin e tij nga detyra.

Padia është regjistruar disa ditë më parë në gjykatë. Skeja kërkon nga gjykata që t’i njihet e drejta e pagës për 24 muajt e ardhshëm, pasi siç pretendon ai, Garda ia ka zgjidhur në mënyrë të menjëhershme dhe të njëanshme kontratën e punës. 

Çështja, e cila mban numrin 19173, regjistruar më 8.11.2013, ndiqet nga Gjykata e Shkallës së Parë, me gjyqtare Anila Capo-Zere. 

Ai kërkon anulimin e urdhrit nr. 577, datë 18.10.2013 të ministrit të Brendshëm si edhe pagën e 24 muajve për zgjidhje të menjëhershme dhe të pajustifikuar të kontratës së punës. /shekulli/