Lajme Shqip Monday, 13 February 2012 20:02

Prishtinë- Andy Sparkes, ushtrues detyre i shefit të EULEX-it shprehu sot përmes një deklarate ngushëllimet për tragjedinë e shkaktuar nga orteku i dëborës në fshatin Restelicë.

“Ajo çfarë ndodhi mëngjesin e së shtunes në komunën e Dragashit është një tragjedi e tmerrshme. Në emër të EULEX-it, shpreh ngushëllimet tona të thella për familjet e atyre që kanë vdekur.

Mendimet tona mbeten me ta. EULEX-i ende qëndron i gatshëm të ndihmojë në çdo mënyrë që mundet me personelin dhe resurset që ka”, u shpreh Sparkes. Ai mbështeti me admirim shërbimet e shpëtimit, që punuan dhe vazhdojnë të punojnë në vendngjarje në përpjekjet për t’u përballur me motin e ashpër. (LajmeShqip.com)