Gjykata e Tiranës ka lënë të lirë Ledian Ruçin, djalin e kreut të grupit parlamentar të Partisë Socialiste Gramoz Ruçi, i përfshirë në aksidentin e mbrëmjes të së djelës ku mbeti e vdekur 28 vjeçarja Brunilda Pinderi.

Sipas eskpertizës së marrë nga vendngjarja, 26-vjeçari Ruçi, ka kaluar në kryqëzim kur semafori ishte i ndezur me dritën jeshile duke nxjerrë kështu fajtor për aksidentin shtetasin Edi Lika, ndaj të cilit tashmë është dhënë masa e arrestit me burg.

Sipas prokurorisë, 34 vjeçari Lika ka kaluar në kryqëzim duke mos respektuar semaforin dhe me shpejtësi tej normave të lejuara.

Procesi gjyqësor u zhvillua në spitalin ushtarak ku dy të pandehurit po i nënshtrohen mjekimit, pas plagëve të marra si pasojë e përplasjes së makinave.

Ngjarja ndodhi mbrëmjen e së djelës rreth orës 21 e 15 minuta në kryqëzimin e Rrugës së Elbasanit, ku makina “Mini Cooper” e drejtuar nga 34 vjeçari Lika u perplas me makinë BMË X6, të drejtuar nga Ledian Ruçi.

Si pasojë, humbi jetën 28 vjeçarja Brunilda Pinderi ndërsa janë në spital Pinellopi Rafti, Ledian Ruçi, dhe Edi Lika.