Lajme Shqip Wednesday, 19 August 2015 08:52

Mbi 70 mijë euro më shumë se që ka qenë e nevojshme i ka paguar rektorati i Universitetit të Prishtinës (UP), Institutit për Studime Ndërkombëtare (ISN) nga Tirana, për përkthimin e disa librave nga gjuha angleze në shqip, për nevojat e UP-së.

Historiku i kësaj pagese enorme, shpjegohet qartë në aktakuzën e ngritur ndaj ish-rektorit të UP-së, Enver Hasanit, dhe dy zyrtarëve tjerë – ish-shefit të prokurimit të UP-së Hakif Veliut dhe Albert Rakipit, drejtor i Institutit për Studime Ndërkombëtare në Tiranë.

Tre të lartpërmendurit, akuzohen nga Prokuroria e Shtetit se me qëllim të përfitimit të kundërligjshëm të dobisë pasurore për Institutin për Studime Ndërkombëtare në Tiranë, kanë falsifikuar kontratën origjinale “Përkthimi i librave nga gjuha angleze në gjuhën shqipe, për nevojat e Universitetit të Prishtinës”. /zëri/