Tiranë-Kryeministri i Kosovës Hashim Thaçi dhe kryetari i LDK-së, Isa Mustafa, ditën e 4 vjetorit të Pavarësisë së vendit do ta kalojnë në Tiranë.

I pari ka ardhur kreu i LDK-së, Isa Mustafa i cili ka marrë pjesë në përurimin e një rruge në Tiranë me emrin e ish presidentit të Kosovës, Ibrahim Rugova. Bëhet fjalë për një rrugë pranë zonës së Shallvareve në kryeqytetin e Shqipërisë.

Sipas zyrës për shtyp të bashkise së Tiranës, kreytari Lulzim Basha priti sot në orën 10.00  kreun e Komunës se Prishtinës, Isa Mustafa.

Më pas, në orën 11.00, pranë pallateve të Shallvareve, u zhvillua edhe ceremonia e dhënies se emrit “Ibrahim Rugova”, kësaj rruge.

Ndërsa gjatë pasdites, mbërrin edhe vetë kryeministri Hashim Thaçi i cili do të përurojë objektin e ri të Ambasadës së Republikës së Kosovës në Tiranë.

Objekti i ri i Ambasadës së Republikës së Kosovës në Tiranë  ndodhet pranë asaj serbe dhe ruse.