Lajme Shqip Monday, 30 April 2012 15:49

Ka ndërruar jetë në moshën 103-vjeçare amerikani që ka jetuar pjesën më të madhe të jetës së tij me një plumb në kokë.

William Lawlis Pace është bërë i famshëm sepse ka jetuar 94 nga 103 vitet e jetës me plumbin shumë afër trurit.

Vëllai i madh i tij e ka qëlluar padashje kur William ishte vetëm 9 vjeç. Plumbi nuk arriti trurin fatmirësisht, por në të njëjtën kohë ishte aq pranë tij sa nuk lejonte asnjë operacion.

Edhe pse nga ky incident burri amerikan ka dalë pothuajse i verbër nga njëri sy e me probleme me muskujt e fytyrës, William ka bërë një jetë normale: është martuar, ka pasur fëmijë dhe ka punuar si roje në varreza. Gjithashtu për pak kohë ka luajtur edhe bejzboll në një skuadër të vogël në Teksas.

“Nuk ka pasur kurrë shqetësime dhe nuk ka humbur kurrë ndjenjat”, deklaroi djali Theron Pace kur dha lajmin e vdekjes së babait për mediat amerikane.