Lajme Shqip Sunday, 27 November 2011 11:27

Tension i lartë mes Iranit dhe Britanisë së Madhe. Parlamenti Iranian aprovon reduktimin e marrëdhënieve diplomatike dhe ekonomike me Britaninë, pas sanksioneve të adoptuara nga Londra kundër Teheranit për programin e tij bërthamor. Vendimi u morr me shumicë votash me 179 vota pro nga 206 deputetë të pranishëm. Pas aprovimit, parlamenti nisi debatet për të përcaktuar detajet e ligjit që pritet minimalisht të sjellë tërheqjen e ambasadorëve të dy vendeve brenda disa javësh. Javën e kaluar, Londra i ofroi mbështetje përpjekjeve të reja të SHBA-ve për të bërë presion ndaj Teheranit deri sa Republika Islamike të heqë dorë nga programi i saj bërthamor. Por Irani vazhdon të deklarojë se aktiviteti i tij bërthamor ka vetëm qëllime paqësore.