Lajme Shqip Monday, 16 May 2011 12:31

Sarajevë – Lideri i Bashkësisë Demokratike Kroate (HDZ BeH) Dragan Çoviq deklaroi  se në mandatin e ardhshëm si lider i asaj partie, do të kërkojë rindarje territoriale të Bosnjës dhe Hercegovinës, por konfirmon se RS nuk do të rrezikohet.

“Për pozitën e RS nuk do të vendosë askush, as në Mostar, e as në Sarajevë, dhe derisa ekziston qëndrim i qartë i popullit serb dhe përfaqësueseve politikë serbe, askush nuk mund ta rrezikoj RS-në dhe kjo është masë, pa dallim për atë se kush çfarë mendon”, deklaroi Çoviq në intervistën për “Nezavisne Novine”.

Ai beson se populli kroat  patjetër duhet të ketë barazi territoriale në BeH.

“Kjo që po na ndodh në nivel të Federatës BeH, dhe tani edhe në Bosnjën e Mesme, qartë tregojnë se ka të tillë që mendojnë  se jeta politike mundet të organizohet në tërësi pa popullin  kroat”, thotë ai.

Sipas tij, organizimi i tillë dyetnik i BeH, për popullin kroat  është i papranueshëm dhe i paqëndrueshm.

“Gjithsesi se duhet të ndryshohet modeli i organizmit të shtetit  kur në Kryesinë e kroatëve  nuk ka asnjë anëtar, ndërsa boshnjakët kanë dy… Ne propozojmë  katër njësi territoriale me seli në Sarajevë, Banjalukë, Tuzla dhe Mostar, dhe ky është drejtimi ynë i veprimit”, theksoi Çoviq.