Lajme Shqip Sunday, 27 November 2011 14:00

Kryeministri i Rusisë, Vladimir Putin, ka pranuar sot kandidaturën për president nga partia në pushtet Rusia e Bashkuar. Putin u tha delegatëve të partisë se i falenderonte të gjithë ata që e kanë mbështetur kandidaturën e tij ndërsa e pranoi kandidaturën me fjalët, “me mirënjohje e pranoj këtë propozim”. Stanislav Govorukhin, ishte ai që fillimisht nominoi Vladimir Putinin për të kandiduar për president, në një kongres të partisë Rusia e Bashkuar në Moskë. Duke folur para delegatëve në këtë kongres, Govorukhin tha “Ruisë i duhet një lider, i aftë, i fortë, intelegjent dhe i gatshëm të mbrojë jo vetëm liritë dhe të drejtat e qytetarëve por edhe t’u rikujtojë ayre përgjegjsitë dhe ti shtyjë përpara në përmbushjen e obligimeve të tyre”. 

Presidenti aktual rus, Dimitri Medvedev gjithashtu foli në këtë kongres, duke e quajtur Putinin “politikanin më popullor, më me përvojë dhe më të suksesshëm në Rusi”. Zgjedhjet presidenciale në Rusi pritet të mbahen në muajin mars të vitit 2012.