Lajme Shqip Monday, 15 August 2011 07:31

Shkup – Një i burgosur që ishte arratisur nga burgu i Idrizovës në vitin 2005 është arrestuar të dielën në Aeroportin e Shkupit, derisa po kthehej në vendlindje.

Ai ishte arratisur nga burgu i Idrizovës më 10 qershor 2005 dhe se kishte menduar se nuk do të hetohej nga organet kufitare në aeroport. Sipas policisë, ai u zbulua gjatë kontrollit të pasaportës në sportelin e aeroportin, me ç`rast në regjistrin e policisë ka figuruar si person që ishte në kërkim.

MPB bëri të ditur se bëhet fjalë për shtetasin e Maqedonisë, Eroll Sh. nga Ohri, i cili po kthehej në vendlindje, pas arratisjes jashtë vendit. Personi i ndaluar është dërguar në stacionin policor të Gazi Babës dhe më pas janë ndërmarrë masat gjyqësore, për të ndëshkuar sërish atë, për shkak të arratisjes. (LajmeShqip.com)