Lajme Shqip Saturday, 22 September 2012 12:03

ANKARA – Një gjykatë turke ka dënuar të premten rreth 326 zyrtarë ushtarakë, nën akuzat se kanë bërë përpjekje të rrëzojnë qeverinë e kryeministrit Recep Tayyip Erdogan.

Gjykata ka dënuar tre ish-gjeneralë, përfshirë ish-shefin e forcës ajrore, me burgim të përjetshëm. Gjykatësi ka thënë se ata do të shpërbejnë vetëm 20 vjet, pasi komploti i vitit 2003 ka dështuar.

Më shumë se 326 oficerë të tjerë, të pensionuar ose në detyrë, janë dënuar deri në 18 vjet heqje lirie.

Tridhjetekatër janë liruar. Konspiracioni i quajtur “Sledgehammer” ka përfshirë planet për të bombarduar xhamitë në Stamboll dhe për të shkaktuar konflikt me Greqinë, për t’i hapur kështu rrugën ushtrisë që të marrë pushtetin.

Të pandehurit i kanë mohuar akuzat, duke thënë se komploti i dyshuar ka qenë stërvitje e planifikuar ushtarake. Ushtria turke ka organizuar tre grusht-shtete në periudhën 1960-1980. (LajmeShqip.com)