Lajme Shqip Friday, 10 February 2012 09:20

New York – Sot është publikuar një dokument sekret prej 191 faqesh që e përshkruan themeluesin e ‘Apple’, Steve Jobs, si një të droguar, të pandershëm dhe dorështrënguar me familjarët e tij, i cili humbi jetën pak muaj më parë në një luftë të pashpresë me kancerin.

Dokumenti kushtuar Steven Pol Jobs është cilësuar si më i rëndësishëm dhe më zbavitës se sa biografia e tij zyrtare.

Sipas FBI-së, Jobs ka përdorur lëndë narkotike të forta në vitet 60-70.

“Shumë agjentë e kanë vënë në dyshim integritetin e Jobs. Ishte një burrë i gatshëm të shtrembëronte realitetin dhe të vinte në dyshim të vërtetat për të arritur objektivat e tij. Përveç kësaj, në të kaluarën ai nuk pranoi atësinë e një fëmijë të lindur nga një marrëdhënie jashtëmartesore. Vajza e tij Lisa, e lindur në vitin 1978 u rrit në varfëri, me ndihmë sociale”, shkruhet në dokument.

Në dokumentar citohen edhe përshkrimet e disa prej kolegëve të tij, ku shumica e përshkruanin si një njeri narcizist. Jobs nuk arriti kurrë të diplomohej në fakultet, por ai do të kujtohet gjithnjë si një njeri me vizion mjaft largpamës. (LajmeShqip.com)