Lajme Shqip Tuesday, 08 October 2013 13:18

Shkup- Duke marrë shembull nga aeroportet ndërkombëtare në të gjithë botën, edhe aeroporti i Shkupit “Aleksandri i Madh” ka krijuar hapësirë për lutje për besimtarët myslimanë.

Aeroporti që drejtohet nga kompania turke “TAV” ka krijuar hapësirë të mjaftueshme për përmbushjen e obligimit ndaj besimtarëve, bën të ditur agjencia “Zhurnal”.

Një veprim i tillë është mirëpritur nga besimtarët myslimanë nëpër rrjetet sociale, por është quajtur absurd nga disa media maqedonase të cilat e vlerësojnë si prapambetje këtë veprim të aeroportit dhe diskriminues duke kërkuar hapësirë për lutje edhe për besimtarë të tjerë.