Lajme Shqip Wednesday, 26 August 2015 14:23

Sipas raportimeve, një avion pa pilot ka shkaktuar alarm mes Shërbimit Sekret kur u pa duke fluturuar shumë afër Presidentit amerikan Barack Obama gjatë një raundi të golfit.

Në raportin e Administratës federale amerikane të Aviacionit thuhet se incidenti ndodhi në Klubin Nacional të Golfit Floridian në Palm City, ku presidenti ishte duke kaluar kohë të lirë me anëtarët e rrethit të afërt.

Nuk është e qartë se sa afër droni fluturoi, ose se a ishte qëllimisht duke operuar afër presidentit.

Rastet të ngjashme kanë ndodhur muajt e fundit. Mjetet fluturuese pa pilot janë përplasur në lëndinën e Shtëpisë së Bardhë në dy incidente të ndara vitin e kaluar. Ky rast ishte i treti i fluturimit të dronit shumë afër presidentit amerikan.

Shërbimi Sekret nuk ka komentuar incidenti.